Ang Ang Kadluan ay ang opisyal na pahayagan sa Filipino ng Mataas na Paaralang Pang-agham ng Makati. Ito ay tahanan ng mga mahuhusay at dekalidad na mag-aaral ng MakSci na pinagbubuklod ng kolektibong pagmamahal sa larang ng pagsulat at malayang pamamahayag. Layunin ng pangkampus na pahayagang ito na hikayatin ang mga batang MakSci na maging mulat sa pangyayaring nagaganap hindi lamang sa loob ng paaralan, bagkus ay pati na rin sa lipunan. Patuloy ang gampanin ng Ang Kadluan na maging “Sandigan ng Katotohanan” at “Kanlungan ng Paninindigan” para sa buong komunidad ng MSHS.